– Denne nyskapinga gler vi oss ekstra til. Det er frå før så god stemning på tunet og i bakhagen på Herøy gard, og når vi fyller på med god mat, god musikk og gode folk, så må det berre bli bra, seier styreleiar Linn-Therese Sævik.
Kongens hagefest går av stabelen rett etter andre førestilling laurdag. Det vert gourmetgrill med Marianne & Hallbjørn Catering, og levande musikk med «Vyjar» (Vegard Voldsund, Yngve Sævik, Jonny Sævik Leikanger, Arve Voldsund, og Rune Sævik).
Arrangementet har 18 års aldersgrense.