Metrologisk institutt varslar ekstremt kraftig vindkast og orkan frå onsdag ettermiddag til torsdag morgon.
Sande kommune har følgjande å seie om situasjonen:
Barnehagane er opne, men Sande kommune ber føresette hente barnehagebarn seinast klokka 14.00.
Barn som ikkje har skuleskyss bør hentast når skulen er slutt.
SFO er stengt på ettermiddag onsdag 31.januar.
Tysdag ettermiddag/kveld ligg det an til at skulebussane går som vanleg onsdag morgon.
Dersom vervarselet inneber at skulebussane vert innstilte, vil kommunen kome med ny informasjon.
I løpet av onsdagen kan det kome ny informasjon knytt til barnehage og skule. Situasjonen vert vurdert fortløpande, opplyser kommunen på sine heimesider.
På Sandsøy og Kvamsøy vert skule/barnehage stengt.
Kulturskulen avlyser sine aktivitetar i morgon ettermiddag.