Sunnmørsposten skreiv tysdag om vanskane med dårleg naudnett i Fosnavåg, og spesielt inne i brannstasjonen. Også på Runde fungerer naudnettet dårleg, og i delar av Ulsteinvik.
DSB lovar at anlegget på stasjonen i Fosnavåg skal forsterkast. Overfor avisa opplyser DSB vidare at dei skal «sjå nærare på Runde». DSB har likevel ikkje pengar til utbetringar av naudnettet i Ulsteinvik.
– Dette var godt å høyre, og vi helsar tiltaka velkomne, seier brannbefal John Normann Pettersen i Herøy til Sunnmørsposten sine opplysingar om dei komande utbetringane i naudnettet i Fosnavåg.