Havlandet arrangerer webinar for dei små og mellomstore bedriftene

Med temaet «Viktige grep i dag for å sikre vidare drift når kvardagen er tilbake» inviterer Havlandet små og mellomstore bedrifter til webinar torsdag.

MERETHE HJERTØ FLUSUND: Næringslivssjefen i Havlandet har regien på webinaret.   Foto: Arkiv/Josefine Spiro

Nyhende

Arrangementet er eit samarbeid mellom Havlandet, Sparebanken Møre, Ernst & Young og NAV Herøy og Vanylven, heiter det i ei pressemelding frå Havlandet onsdag.

På programmet står mellom anna eit miniføredrag om permitteringsreglar og stønad til sjølvstendig næringsdrivande, frå leiar Hilde Knotten Dyrhol og marknadskoordinator Oddvor Follestad Hovden ved NAV-kontoret for Herøy og Vanylven.

I tillegg skal advokat Olav Nærdal frå Ernst & Young fortelje om mellom anna skatt og avgift, handlingsplikt og styreansvar, medan banksjef Hege Karete Hamre frå Sparebanken Møre informerer om likviditet, kreditt, avdragsfriheit og tiltakspakkar, heiter det.

Næringslivssjef i Havlandet, Merethe Hjertø Flusund, har regien på webinaret.