Komite for næring, kultur og idrett har vedteke at Sunnmørsjekta skal få eit årleg driftstilskot frå Herøy kommune. Rådmannen frårådde tilskot frå kommunen med å vise til avtalen som seier at eigarstyret for Herøy kystmuseum skal koste drift og vedlikehald av båten.
Komiteen vil derimot at kommunen skal stille opp, og ber kulturavdelinga gjere nødvendige ombudsjetteringar for å imøtekome søknaden så langt som mogleg.
Eigarstyret bad om eit fast årleg tilskot på 70.000 kroner.
Vidare vil komiteen at avtalen mellom eigarstyret og kommunen skal reviderast i høve til endra føresetnader.