Konsernrekneskapen viser eit driftsresultat på 36,6 mill. kroner for Tussa-konsernet i 2. tertial. Resultatet er dermed meir enn halvert i høve til same periode i fjor.
Hovudårsaka til det reduserte driftsresultatet er lågare produksjonsvolum ved hovudkraftverket på Bjørke som stod stille i seks månader for oppgradering av turbinane.
Nettverksemda er den største bidragsytaren til resultatet med 26,7 mill. kroner. Dette er om lag det same resultatet som på tilsvarande tid i fjor.
Tussa IKT har hatt ei positiv resultatutvikling, medan Tussa-24 og installasjonsverksemda viser lågare resultat enn i fjor, skriv Tussa i ei pressemelding.