Leiaren i samferdselskomitéen, Helge Orten, om Fosnavåg hamn:

Skjønar skuffelsen i Herøy, men trur på løysing

Helge Orten lova før valet i fjor å stå på for Fosnavåg hamn. Orten, som i dag er leiar av samferdselskomitéen, trur framleis hamneprosjektet ligg bra an i løypa til å bli med i den statlege forskotteringsordninga.
Nyhende

– Eg skjønar godt at det er skuffelse i Herøy over at Fosnavåg hamn ikkje er med på lista over hamneprosjekt i 2018 som kjem inn i den statlege forskotteringsordninga. Eg har også fått tydelege tilbakemeldingar på dette i løpet av dei siste dagane, seier Orten til Vestlandsnytt.