– Må vise at vi bryr oss

Camilla Auflem Vik (Ap) gav klart uttrykk for si framtidsbekymring.

– Eg saknar framtidsplanar for kvar vi skal. Kvifor må vi alltid sjå bakover? Vi ser på gamle tal. Vi burde heller sjå på kvar vi vil vere om ti år, og ikkje kvar vi var i fjor eller for ti år sidan. Vi treng ein politisk dugnad. Kva kan vi gjere for at ungdommane våre framleis skal ville bu her? Vi må ha ein strategi, og vise at vi faktisk bryr oss, sa ho.

Trond Torset var samd med partikollegaen.

– Vi må få handlingsrom og gjere det attraktivt å slå seg ned i bygdene her. For vi treng folk, sa Ap-politikaren.