Storslått 4H-leir med vikingtema på Kvamsøya

Knivleik, kajakkvelt og kyllingwok. Det var berre nokre av ingrediensane då Kvamsøya dobla folketalet i helga.
Nyhende

Den lokale klubben Tareholmen 4H var vertskap for den årlege fylkesleiren, noko som skapte liv og røre på øya frå fredag til søndag, då 21 4H-klubber tok ferja over fjorden for å bu i lavvoar med vikingtida som tema. Bygdefolket lånte ut syklar, leia aktivitetar, laga underhaldning og heldt vakt. Alt akkompagnert av strålande sol og ein liten bris frå sjøen.