På ein slik dag er det også viktig å minne om at kampen for å likestille private, ideelle og offentlege barnehagar ikkje er over. Regjeringa, SV og Rødt er stadig ute å angrip dei private barnehage gründerane. Dei har kutta i pensjonstilskotet, noko som truar gode lønns og pensjonsordningar for dei tilsette. Regjeringa fører ein ideologisk kamp mot private, og i dette tilfellet treff det eit område der kvinnelege gründerar har gjort det godt.
Dei private barnehagane leverer gode tenester. Undersøkingar viser at foreldre er godt fornøgde med dei private barnehagane. Full barnehagedekning er kanskje eit av dei viktigaste tiltaka for likestilling, og eg er forundra over at venstresida ønskjer å torpedere dette tilbodet.
I Herøy er det 5 private barnehagar. Om regjeringa fortset å gjere det vanskelegare for disse å drive, til det nivået at dei må legge ned, så har ikkje Herøy kommune økonomi til å erstatte dei med nye kommunale barnehagar. Eg trur dei ideologiske på venstresida har gløymt kven som faktisk sikra oss full barnehagedekning. Dette hadde vi ikkje greidd utan dei private.
Framstegspartiet er for eit mangfald av tilbydarar i barnehagesektoren, derfor er likestilling mellom private og offentlege viktig. Vi feirar 20 år med barnehageforlik i dag, og vi skal fortsette å stå opp mot venstresida som har ideologiske skylappar på.
Karl-Oskar Sævik
Ordførarkandidat for Herøy FrP