Bergsøy avgjorde mot slutten: – Ikkje ein god kamp

Det såg lenge ute til å ende mållaust mellom SIF/Hessa og Bergsøy, men to seine scoringar sikra herøyværingane tre poeng.

AVGJORDE SEINT: Kaptein Daniel Jøsok Kvalsvik scora kampens første etter 82 minutt. Her er han saman med stopparkollega Trym Rekkedal. Dei to hadde ein god kamp i Bergsøy-forsvaret.  Foto: Thomas Teige Sporsheim

Sport

SIF/Hessa har berre tapt ein heimekamp denne sesongen, og ålesundarane skulle vise seg å bli ei tøff oppgåve også for Bergsøy. Alt tyda nemleg på at laga kom til å dele poenga då kampuret viste 81 minutt. Men så dukka kaptein Daniel Jøsok Kvalsvik opp og ordna 1–0. Like etter sette Franjo Tepuric inn 2-0, og plutseleg hadde Bergsøy sigeren i lomma. Men SIF/Hessa gav ikkje opp, og like før fulltid reduserte spissveteranen Nils Ottar Sandø til 1–2. Men nærmare kom ikkje heimelaget, og Bergsøy kunne juble for tre nye poeng.