Torsdag 7. juni opnar Roar Hagen kunstutstillinga «Kven er vi» på Kunsthuset i Ørsta. Utstillinga som blir arrangert i samarbeid med Dei nynorske festspela 2018, løfter fram og drøftar omgrepet identitet, både lokalt, nasjonalt og i ein større samanheng.
Roar Hagen (f. 1954) er oppvaksen i Ørsta. Han er utdanna som grafisk formgjevar og har arbeidt som avisteiknar i Sunnmørsposten (1975-78), i Stavanger Aftenblad (1978–86) og i Verdens Gang frå 1986. Teikningane hans er publiserte i aviser som Der Spiegel, Die Zeit, Time Magazine, Newsweek, Le Monde, The New York Times, m.fl.
Roar Hagene er med andre ord ein svært velrenommert avisteiknar Utanom avisarbeidet har Hagen arbeidt med bokillustrasjonar, grafikk, akvarell og måleri.
Han har også skrive fleire artiklar med hovudvekt må ytringsfridom og globalisering.
Roar Hagen har vore med på fleire kollektivutstillingar m.a. på Nasjonalgalleriet i Budapest 1990, United Nations of Human Rights 2007 og Cartooning for Reconciliation Israel/Palestina 2009. Roar Hagen har fått fleire utmerkingar for arbeidet sitt.
For Volda og Ørsta Kunstlag er det ei stor ære å kunne presentere Roar Hagen og kunsten hans på Kunsthuset i Ørsta. Han vert ti stades under opninga, heiter det i ei pressemelding.