Ei kvinne i førtiåra frå Herøy er sett under tiltale for ei rekkje lovbrot.

I tiltalen til saka som kjem opp 2. mai i Søre Sunnmøre tingrett, gjeld første punktet brot på Straffelova sin paragraf 155, for ved vald eller trugslar å ha påverka ein offentleg tenestemann til å foreta eller unnlate å foreta ei tenestehaldning, eller prøvd å oppnå dette.

Natt til 21. oktober 2017, i Herøy, kneip og sparka ho ein politibetjent i underarmen og låret, då politibetjenten var på staden i samband med eit oppdrag.

Like etter spytta ho ein annan politibetjent i ansiktet.

Same natt, på veg til legevakten i Ålesund, øydela ho setebeltet i politiet sin cellebil ved å slå det gjentekne gongar mot pleksiglaset i bilen.

Braut besøksforbod

I tillegg har kvinna ved gjentekne høve brote besøksforbodet ho hadde i høve til ein mann. Dette skjedde ei rekkje gongar frå november 2017 til februar 2018.

Eit siste punkt i domen gjeld skremmande og plagsam oppførsel mot ein annan person. To gongar i mars 2018, begge gongane midt på dag, ropte ho høglydt og med stygg ordbruk mot ei anna kvinne i Herøy. Det eine tilfellet skjedde inne på ein bensinstasjon.