– Det er framleis funn i låge verdiar av E. coli på nett, melder Herøy Vasslag.

Det var tysdag at abonnentar i store delar av kommunen fekk varsel om funn av E. coli i vatnet.

– Kontrollprøver vert teke dagleg fram til vatnet kan friskmeldast, melder vasslaget vidare.

Kokepåbodet gjeld alle i ytre Herøy, med unntak av Kvalsund, Kopparstad, Teige og Runde. I tillegg må abonnentar i Sandvika og Nautøya koke vatnet. Omlag 6000 personar er råka.