Marit Pauline Kvalsvik:

Pioner frå Romsdal – og Tollåsbakken i Fosnavåg

I Herøy sitt kommunesenter er familien Tollås æra med eige gatenamn; Tollåsbakken. Stamfaren, Andreas P. Tollås, bygde våningshus i Fosnavåg alt i 1882.

Pioner-ekteparet Tollås: Rasmine Pettersdotter Leine, (1860-1922), og Andreas Pedersen Tollås, (1856-1911), bygde hus i Fosnavåg i 1882. Dei kjøpte Tollåsplassen i 1889, og dyrka opp eit stort område som før hadde vore utmark/beitemark. Utlån: Astrid Westbø. Ukjend fotograf. 

Nyhende

Gjennom 139 år er stova til pionerfamilien påbygd og mykje renovert. Men i det moderne huset i Tollåsbakken 7, rett bak Rådhuset, har eigarane tatt vare på det gamle tømmeret i nokre veggar i første etasje. Under huset er restar av den gamle gråsteinsmuren. Fleire hus i denne gata, og i Djupedalen, er bygde på tomtegrunn som før var eigde av Tollåsfamilien.