Ny nasjonale innstrammingar:

Må halde kafeen på Lanternen stengt - går over til "take away"

Dagleg leiar for Lanternen, Kåre Jensholm, informerer om at dei av smittevernomsyn må stenge kafeen på Lanternen ei periode. Det blir likevel mogleg å hente seg mat.

Kåre Jensholm Driv Lanternen Marina på Jensholmen.  Foto: Arkiv

Nyhende

– Det let seg ikkje gjere å innfri kravet om minst 2 meters avstand på ein trygg måte. Vi kjem til å ha grillretter og dagens middag til henting i gatekjøkkenet kvar dag i heile påska. Det er synd å måtte ty til dette drastiske skrittet no rett før og i heile påska. Men helsa til tilsette og gjester kjem først, seier Jensholm til Vestlandsnytt.