Endå eit smittetilfelle avdekt i Sande

Tysdag kveld opplyser Sande kommune om endå ein person som er smitta av korona.

Korona Covid-19 

Nyhende

- Det er ein nærkontakt til ein person som vart smitta før helga, melder kommunen.

Personen som no er erklært smitta, har tidlegare levert ein negativ test (ikkje-smitta).

20 personar må testast igjen

Men ein påfylgjande test viser altså smitte. No har smittevernteamet kalla inn 20 personar for ny testing.

- Dette er same gruppa som vart testa før helga, heiter det frå kommunen.

Sande kommune meiner situasjonen framleis er under kontroll, men:

- Vi ser at det kan vere kort veg til høgare smittetal og utfordringar som ingen ønskjer.

Kommunen minner nok ein gong om nasjonale smittevernråd, og oppmodar alle til å delta på fellesdugnaden mot korona.