Herøyordførar Bjørn Prytz etter sterke hamne-reaksjonar:

– Synspunkt frå mange som ikkje har sett seg inn i saka

– Eg brukar å seie at herøyværingane er verdsmeistrar i omkampar. Men det er ingen automatikk i at hamnesaka skal behandlast på nytt. Generelt må det mykje til for at ei sak kjem på dagsorden igjen.

Ordføraren: Bjørn Prytz slår fast at det ikkje har dukka opp noko informasjon eller anna som gjer det nødvendig å ta opp igjen hamnesaka. Han lever godt med vedtaket som er gjort. Arkivfoto: Stian Langlo Driveklepp 

Nyhende

Det seier herøyordførar Bjørn Prytz til Vestlandsnytt. Det har som kjent vekt sterke reaksjonar mellom mange i Herøy at kommunestyret takka nei til ei statleg hamneløving på over 100 millionar kroner. Pengane skulle gå til utdjuping, miljøopprydding og etablering av nytt næringsareal på indre hamn.