Knut Arne Høyvik ser tilbake:

«Eagle» har landa

Den 20. juli klokka 21.17 norsk tid, er det akkurat 50 år sidan månelandingsfartøyet «Eagle» sette sine mekaniske bein ned på månens overflate.

  Foto: pixabay.com

Når vi markerer denne månelandinga i dag, er det også ei påminning om at ingenting er umogleg, det umoglege tek berre litt lenger tid.

Nyhende

I Haddal på Sunnmøre sat ein 13-åring klistra til svartkvitt- fjernsynet. Eg hadde engasjert meg i denne månelandinga i fleire veker. Lese alt eg kom over, slukt all informasjon frå radio og fjernsyn, eg var så gira som berre ein 13-åring kan vere. No kom bilda frå månen inn i stova vår, og eg høyrde ekkoet av mormor som proklamerte at det er verdas siste tid.