Knut Arne Høyvik

I bakvendtland: "Borna skal synge som aldri før, men ordet song er ikkje nemnt i læreplanen"

I 2017 fjerna regjeringa song frå den overordna delen av læreplanane. I utkastet til nye læreplanar føreslår regjeringa å fjerna song heilt frå det nye norskfaget, som skal gjelde frå hausten 2020.

Song er bra: Å synge er godt for helsa, og i dei fleste tilfelle også dei som høyrer på. I alle fall når Sirène står på scena, som her. Arkivfoto  Foto: Arkivfoto

Men eg skjøna fort at dei som har funne på å ta songen ut av læreplanen, har ei dritdårleg sak

Nyhende

Sjølvsagt seier både byråkratane i Utdanningsdirektoratet og politikarane i Kunnskapsdepartementet at borna skal synge som aldri før, men ordet song er ikkje nemnt i læreplanen. Spissformulert er det som å fjerne ein bussavgang frå ruteheftet, og rekne med at bussjåføren køyrer likevel. Framlegget er ei sterk nedvurdering av både song og musikkfaget, og byråkratane som har funne på dette bommar ikkje ein gong på målet, for dei treff ikkje ballen. Skal vi bruke denne logikken kan vi berre fjerne matematikk frå læreplanen, og hevde at elevane sikkert vil halde på med matematikk likevel, pytt, pytt.