På renovasjonsdelen gjekk SSR i pluss både på hushaldningsavfall og næringsdelen. Samla overskot på renovasjonen blei på 747.546 kroner, som er 1.365.000 kroner betre enn selskapet hadde budsjettert med.
Særleg på varekostnader viser rekneskapen langt betre tal enn budsjettert. Dette skuldast fyrst og fremst gode nedstraumsavtalar og mindre greinavfall enn berekna, skriv dagleg leiar i årsmeldinga for 2018.
Største overskridinga på driftskostnadene var på 464.000 kroner på innsamlingsutstyr og sekkar.
Slamdelen kom ut med eit underskot på 96.000 kroner.
Samla driftinntekter for SSR i 2018 var på 47,6 mill. kroner, som er nær to mill. kroner lågare enn budsjettert med. Driftsresultatet blei på 1.968.000 kroner. Tilsvarande året før var eit minus på vel 1,6 millionar kroner.
Ved årsskiftet hadde selskapet eit sjølvkostfond på 9,5 mill. kroner og eigenkapital på 5,4 mill. kroner. Rekneskapen blir framlagt for representantskapet komande torsdag.