Ifylgje nett.no har fleire investorar på Nordvestlandet delteke i den retta emisjonen som det Ulsteinvik-baserte seismikkselskapet har gjennomført.

Størst av aksjonærane på Nordvestlandet er Sævik-familien gjennom Havila Holding i Herøy og Jogeir Romestrand i Ulstein. Også herøyselskapet Remøy Shipping er inne på eigarsida.

Lokale båtar

Axxis Geo Solution satsar sterkt på nodeseismikk, der selskapet sin sjølveigde båt Neptune Naiad fekk oppdrag for BP utanfor Indonesia i fjor. Gjennombrotet kom med storkontrakten dei fekk i indisk farvatn.

I tillegg til Neptune Naiad leiger selskapet inn fleire båtar. Mellom dei er Havila Fortune og Sanco Sword.