– Dette nominasjonsmøtet er kanskje det beste vi har hatt gjennom tidene, seier Camilla Storøy etter møtet som vart halde sist måndag.
Storøy vil seie seg strålande fornøgd med oppmøtet og den gode stemninga som rådde då Herøy KrF sette opp kandidatlista til haustens kommunestyreval.
Sjølv toppar Storøy lista og er partiet sin ordførarkandidat. Ho legg ikkje skjul på kva som er KrF sine ambisjonar ved det komande valet:
– Eg trur vi har mykje å bidra med i herøypolitikken i åra framover, og eg er utruleg glad for at har fått med oss ein så dyktig, stor og fin gjeng, seier ho.
Håper på auke
Optimismen er såleis ei vidareføring av stemninga som rådde då partiet hadde årsmøte og sa eit klart ja til at KrF framleis skal gjere seg gjeldande i herøypolitikken.
Spørsmålet om ein skulle stille liste vart lagt fram etter at det gamle styret hadde slite med å få folk til å ta på seg verv både i organisasjonen og som listekandidatar. No synest det å vere ei heilt anna stemning som rår i lokalpartiet.
– Med denne gjengen som no stiller opp håper vi på å kunne auke talet på representantar i kommunestyret.
Det seier Linn Therese Sævik som har stått i spissen for nominasjonsarbeidet i KrF denne gongen.
– Lista vår består av 34 dyktige, engasjerte og villige kandidatar, og det er stor spreiing både i yrke, alder og krinsvis representasjon, legg Sævik til.
Sævik gjer det klart at Kristeleg Folkeparti ønskjer å vere eit tydeleg parti for alle innbyggarane i Herøy.
– Vi skal vere engasjerte og jobbe for at det skal vere trygt og godt å bu i Herøy, lovar ho.
Desse stiller til val for Herøy KrF
1. Camilla Storøy (49), Bergsøy
2. Richard Gjerde (56), Tjørvåg
3. Birgitte Sævik Pedersen (54), Remøy
4. Aleksander Tarberg (33), Remøy
5. Anita Onen (41), Moltu
6. Fillip Frøystad (21), Tjørvåg
7. Runar Olsen (51), Bø
8. Bjørg Skogli Muren (56), Nerlandsøy
9. Kåre Hansen (42), Bergsøy
10. Geir Lande (44), Bergsøy
11. Ann Elin Myklebust (39), Bergsøy
12. Sally Buntu (54), Bergsøy
13. Bendik Hermansen (20), Frøystad
14. Karl Anders Brendmo (44), Nerlandsøy
15. Jonny Sævik Leikanger (40), Leinøy
16. Gerd Unni Rørvik (66), Runde
17. Evelina Nikolaev (50), Bergsøy
18. Øyvind Magnus Kopperstad (22), Nerlandsøy
19 Evy Helen Kvalsvik (50,) Bergsøy
20. Anton Elveseter (71), Bergsøy
21. Sarah Nærø Pettersen (21), Frøystad
22 Arild Warholm (44), Bergsøy
23. Odd Magne Kvalsund (54), Nerlandsøy
24. David Nerland Paulsen (34), Leinøy
25. Sollen Sundnes (78), Leinøy
26. Annfrid Aurvåg (80), Myrvåg
27. Marvin Kopperstad (44), Nerlandsøy
28. Edel Kvalsund Goksøyr (68), Nerlandsøy
29. Tanja Rafteseth (50), Bergsøy
30. John Berg Nerem (73), Bergsøy
31. Linn Therese Sævik (30), Leinøy
32. Frank Robert Stenersen (43), Bergsøy
33. Frank Otto Kvalsvik (36), Bergsøy
34. Lisa Leinebø Pinheiro (34), Leinøy
35. Per Sævik (78), Leinøy