Herøy innfører avgift på tobakksal

Alle som sel tobakksvarer i Herøy må frå og med neste år betale ei avgift. Det har komite for helse og omsorg vedteke, og kommunen kan krevje ei avgift på inntil 4.500 kroner.

Fleire kommunar har innført slik avgift, og no kjem Herøy etter. Avgifta skal gå til å dekke kostnader som kommunen har med tilsynsoppgåvene som kommunane har ansvaret med å utføre etter tobakksskadelova.

I Herøy er det 15 utssalsstadar som sel tobakksvarer gjennom året. Kontroll av utsalsstadane vert utført av Securitas i samband med sal- og skjenkekontrollane for alkohol.