Haugelia barnehage opna ny avdeling:

– Det er blitt kjempefint her

Foreldre, besteforeldre, naboar, tidlegare tilsette og mange fleire møtte opp då den nye avdelinga til Haugelia barnehage i Haugsbygda blei offisielt opna, og det etter ei imponerande framdrift.
Nyhende

– Er det ein byggjeprosess eg veit mykje om, so må det vere denne. Markus og Henrik (barnebarna, journ.anm) har heldt meg orientert heile vegen. Dei har fortalt om kor mange lastebilar som har vore innom og om kva gravemaskina har gjort den og den dagen. Eg er vel ikkje den einaste bestefaren som håpar at det blir mange flinke bygningsarbeidarar av den gjengen her, sa ordførar Dag Vaagen då han heldt opningstale for den nye avdelinga i Haugelia barnehage.