Hittil i år er resultatet for trafikkselskapet på 553,3 millionar kroner, opplyser selskapet i ei pressemelding.

Administrerande direktør i Fjord1, Dagfinn Neteland er svært tilfreds med resultatet for tredje kvartal, ein periode kor selskapet også opna den første landbaserte Ferdamat-kafeen i selskapet si historie og gjennomførte dåp for nye elektriske fartøy. I oktober leverte selskapet inn tilbod i verdas første hydrogenferje-anbod.

- Fjord1 er prega av svært stor aktivitet i heile selskapet, men kanskje spesielt på anbodssida kor vi er glade for å ha vunne godt fram i denne perioden. Resultata våre understrekar at vi er leiande innan det grøne skiftet, seier Netland.

Selskapet vann nyleg anbodskonkurransen om drift av fire samband på indre Sunnmøre. Kontrakten strekk seg over 14 år, og har ein verdi på om lag to milliardar kroner.

- Trass i eit sterkt kvartalsresultat er vi fokuserte på det som skjer framover, som inneber mellom anna fleire anbodsprosessar og overtaking av nye miljøvennlege fartøy, fortel Neteland.