Herøy kommune vurderte ei tid å gå til inndriving av skuldig avgift etter at hurtigruteselskapet har nekta å betale heilt sidan hamneavgifta blei innført våren 2017. Hurtigruteselskapet har bestride fleire sider av anlaupsavgifta, medrekna sjølve grunnlaget for avgiftsordninga
Tidlegare i år blei det bestemt å prøve forhandlingsvegen med Hurtigruten As, og no er ein avtale komen på plass. Dette er ein fastprisavtale der hurtigruteselskept skal betale 200.000 kroner i året for bruken av Herøy sitt sjøområde.
Avtalen er basert på ein føresetnad om 710 anlaup i året ved Herøyterminalen. Då terminalen er privateigd kan kommunen ikkje krevje kaiavgift.
Det skal førast sjølvkost- rekneskap, og det er ein føresetnad at kostnadene som blir pålagt avgifta er kostnader som ifylgje Kystverket er lovlege i ein slik samanheng
Gjennom innkrevjing av anlaupsavgift forpliktar kommunen seg til å legge til rette for sikkerheit og framkomelegheit i kommunen sitt sjøområde i samsvar med hamne- og farvasslova. Vidare heiter det at kommunen skal ha ein tilfredsstillande beredskapsplan for handtering av ulukker.
Partane har ein intensjon om å forhandle fram ein ny avtale for Hurtigruten sine anlaup etter den nye kystruteavtalen. Der er som kjent Havila kystruten tildelt fire av dei elleve skipa som dagleg nyttar Herøy sitt sjøområde.