Inviterer til te-dans på sjukeheimane

Nesten kvar laurdag fram til jul vert det laga til te-dans med levande musikk for bebuarar og deira venner og familie.

Inviterer til Te-dans: Myrvåg omsorgssenter og den kulturelle spaserstokken arrangerer Te-dans på sjukeheimane i haust. 

Nyhende

– Te-dansen er ei kosestund, som gjer det ekstra hyggeleg for venner og familie å kome på besøk, seier dagleg leiar Britt Pausen ved Herøy frivilligsentral.

Opplegget er finansiert med midlar frå Den kulturelle spaserstokken.

Lokale musikarar

I månadane før jul får omsorgssentera besøk av artistar som Øyvind og Sølvi Berg, Øystein Eckhof, Stig Ulv, Trond Ihle, Nasko og Morten Bollerud.

I tillegg til å hygge seg med levande musikk, får bebuarar og besøkande nyte både kaffi og litt kaker desse laurdagsettermiddagane.