Gursking skal ut og erobre den nordiske bedriftsmarknaden:

Lanserer ny underskrifts-applikasjon

Gjennom sitt Drammen-baserte firma Sifr AS har gurskingen Kjell Wiik utvikla ei digital plattform som skal gjere det lettare å signere, dele og arkivere dokument elektronisk. No lanserer dei produktet SIFR Sign, og det vert satsa stort i Norden.
Nyhende

At det kan bli litt surr og unødig tidsbruk når ein skal signere ein avtale manuelt, er ikkje eit ukjent fenomen. Spesielt kan det bli utfordrande om det er snakk om fleire underskrifter på same tid, og deling og arkivering skal skje etter strenge sikkerheitsforeskrifter. Dette har gurskingen Kjell Wiik tenkt å gjere noko med.