NAV opplever stor etterspørsel etter arbeidskraft frå fleire bransjar. Komande torsdag stiller meir enn 40 verksemder med rekrutteringsbehov opp for å møte menneske på utkik etter jobb.

Det skjer på Ulstein arena, med NAV Møre og Romsdal som arrangør.

NAV skriv i ei pressemelding at mange verksemder, ikkje minst innafor bygg og anlegg, har stort rekrutteringsbehov for tida.

Alle som er klare for ny jobb blir oppmoda om å ta med seg CV i fleire eksemplar og møte på jobbmessa. Messa er gratis for både utstillarar og besøkande.