Enorm interesse for det nystarta turn og friidrettstilbod til Bergsøy IL.

– Hallo, det er no kjempelett å slå hjul da!

Måndag starta eit heilt nytt turn og friidrettstilbod frå Bergsøy i regi av tre engasjerte foreldre, og interessa var og er enorm.

Eg vil gjerne gå på turn og friidrett vidare!

Hilda (6)
Nyhende

37 ungar sit i ein sirkel på golvet. I det ein sett seg ned, røyser to andre seg og byrjar å tulle. Når dei to har set seg igjen, har den fyrste reist seg att. Foreldra kjempar tappert med å få sine til å sitte i ro, men dei klarar eigentleg ikkje anna enn å smile til gjengen. For det er lov å vere litt spent og energisk på dagar som dette. Det er nemleg fyrste trening for den nye turn- og friidrettsgruppa til Bergsøy. I midten av sirkelen sit to foreldre, Jenny Harkjerr Schakenda og Birgitte Grongstad Kvalsvik, som slest om merksemda til barneflokken. Dei to er saman med Ruben Kvalsvik primus motorar for det nye initiativet for 5–8 åringar.