Nedgang i fylket, men fleire oppdrag i Fosnavåg-området

Sommaren 2018 har vore prega av godt vêr og høg aktivitet på sjøen. I ei pressemelding seier Redningsselskapet at dette er noko deira 51 redningsskøyter har merka godt. Samanlikna med 2017 viser tala ein oppgang på 17 prosent (510 oppdrag). For Møre og Romsdals derimot har talet på oppdrag gått ned frå 264 i 2017 til 180 for sommaren 2018. Isolert sett kan vi likevel sjå at det i Fosnavåg har vore fleire oppdrag enn i fjor.

– Det har vor ein del dykk på fritidsbåtar i sommar. Dei fleste oppdraga var gjengangarar som tau i propellen og grunnstøytingar. Heldigvis har vi vore skåna for alle typar stygge ulykker her. Det har vore mange båtar på fjorden, så det er eigentleg få som trenger hjelp utover litt dykking og assistansar jamt over, seier Torgeir Are Sortehaug, skipper på RS «Idar Ulstein» i pressemeldinga.

Redningsskøyta med tilhald i Fosnavåg har vore i drift i to og et halvt år. Skipperen er elles full av lovord om fartøyet som Ulstein-konsernet donerte i 2016.

– Det er ein fantastisk sjøbåt og eit genialt verktøy. Vi rekk veldig langt på ein time samanlikna med førre båt, seier Sortehaug.

Oppdrag sommaren 2018 (1.mai - 31. juli)

Oppdrag sommaren 2017 (1.mai - 31. juli)

Fylkesvis fordeling av oppdrag mai tom juli 2018