Ferske tal syner ein nedgang i talet på passasjerar på 11,5 prosent i juni på sambandet Larsnes - Åram - Voksa - Kvamsøya.
I same månad gjekk talet på bilar ned med 11,1 prosent.
Hareid-Sulesund og Årvik-Koparnes gjekk også tilbake trafikkmessig i juni, samanlikna med i fjor.
For første halvår 2018 er det registrert ein tilbakegang på 3,3 prosent i talet på bilar på Larsnes-ruta. Årvik-Koparnes har i same halvår gått fram med 2,6 prosent, medan biltrafikken på Hareid-.Sulesund har gått ned med 2,9 prosent.
Det har som kjent vore store utfordringar med enkelte fartøy på sambandet Hareid-Sulesnd i det siste. Ullensvang har vore ute av drift i fleire veker totalt sett i år. I juni stod det att 1.996 køyretøy på dette sambandet, mot 439 attståande køyretøy i juni 2017.
Dette trass i at samla biltrafikk Hareid-Sulesund altså gjekk ned i juni i år.
Både på Larsnes- og Årvik-sambandet var det i juni relativt få gjenståande bilar, syner ein fersk statistikk frå fylkeskommunen.