Siste nytt i saka er at kvinna er i betring og stabil. Ho er flytta ut av intensivavdelinga får Vestlandsnytt opplyst frå St. Olavs hospital.
Ramla i sjøen
Natt til laurdag fekk politiet inn ei melding om at to personar hadde ramla i vatnet ved Almenningskaia i Fosnavåg.
– Begge blei berga i land av vitne på staden. Ein mann har blitt køyrt til Volda sjukehus. Han var bevisst, men nedkjølt. Ei kvinne har blitt frakta til St. Olavs i Trondheim med luftambulanse. Dette har operasjonsleiar Erik Dyb i Møre og Romsdal politidistrikt sagt til NTB.
Kvinna var medvitslaus då ho blei sendt til sjukehuset i Trondheim. Begge personane skal vere i 60-åra. Politiet skriv på Twitter at dei ser på det som ei ulykke.