Koret har i dag 28 medlemmar frå Leikong og nabobygder i Sande og Ulstein. Koret har gjennom si meir enn 50 årige historie fleire gongar skapt sjåverdige show der tema har vore mange og ulike; frå musikalmedleyar via jazz til heimleg litteratur på nynorsk.
Leikong blandakor med dirigent Kjetil Eiksund, eigne solistar, lokale musikarar og regi ved Dagfinn Olav Bye set opp «50 år med Leikong Blandakor» på Fosnavåg konserthus laurdag 22. oktober 2022.
Leikong blandakor vil då presenterer utdrag frå musikalar og tema som: THE HUNCHBACK OF NOTRE DAME – BEAUTY AND THE BEAST – MISS SAIGON – LES MISERABLE – THE PHANTOM OF THE OPERA – PORGY AND BESS – CHESS – WICKED – HAIR – A CHORUS LINE – PUTTIN ON THE RITZ – HARTVIG KIRAN – WEST SIDE STORY – SPELLMANN PÅ TAKET – THE LION KING – CABARET, krydra med dialog om koret si 50 årige historie.
Her møter ein lokalt stjernegalleri i form av koret sine eigne solistar, lokale musikarar – alt sett saman i stram regi av regissør Dagfinn Olav Bye.
«50 år med Leikong blandakor» vil garantert ha ein svært høg gjenkjenningsfaktor for publikum i mange aldrar. Set av kvelden 22. oktober saman med Leikong Blandakor på Fosnavåg konserthus.
Jan Tore Leikanger, leiar, Leikong blandakor