Det er ein grunn til at Cirkus Cirkör har ein trufast skare norske fans; dei gir deg ei fenomenal blanding av dans, akrobatikk og musikk. No kjem dei tilbake til Fosnavåg med sin siste produksjon – Epifónima.
I Cirkus Cirkör si nye framsyning utfordrar sju kvinnelege sirkusartistar tradisjonelle strukturar og hierarki. Epifónima, som betyr utrop på gresk, er inspirert av samtidige, så vel som historiske, kvinnesaksforkjemparar.
– Epifónima vill syne kva kvinner sitt samla arbeid og uthald har å seie for samhaldsstrukturane si forandring og utvikling. Artistane gjer det tydeleg og storarta, seier regissørTilde Björfors i ei pressemelding.
(Saka held fram under videoen)
Det er ei sirkusframsyning skapt av kvinner med berre kvinner på scena – akrobatikk, song, dans, hårhenging, roue cyr og handståande, blanda med vakker musikk. Resultatet er, som Folkebladet skriv, «Enestående akrobatiske nummer og et budskap som man ikke kan gå glipp av. Cirkus Cirkörs siste forestilling «Epifónima» tar publikum med på en reise av det sjeldne slaget.»
Showet er bokstaveleg tala så stort – eller kanskje vi skal seie «høgt» – at konserthuset har brukt to dagar på å leggje scena til rette for å tilfredsstille sirkuset sine krav.
Framsyninga er eit multikunstverk skapt av alle involverte. Ensemblet består av sju kvinnelege sirkusartistar frå Hellas, Canada, Palestina, Polen, Sverige og Sveits – og komponisten er frå Noreg.
– Det er mindre enn hundre år sidan kvinner fekk stemmerett i Sverige. I vårt ensemble finst det dei som framleis ikkje har rett til å røyste i sine heimland. Takka vere vårt hundreårets kamp, har vi fått moglegheit til å skape denne førestillinga med eitt i prinsippet heilkvinnleg skaparteam. Kvart privilegium og kvar moglegheit eg har i dag er mogleg takka vere dei som har gått før meg. – Tilde Björfors
Rett til ei stemme – stemmerett
Musikken er komponert av Rebekka Karijord, som også laga musikken til Circus Cirkör si framsyning «Wear it like a crown». Musikken er i all hovudsak skapt av rytmar og kvinnelege røyster som Karijord har samla frå alle verdshjørne og som blir blanda med ensemblet sine eigne røyster.
Grenser og avgrensingar
Epifónima er ei naturleg fortsetting av Tilde Björfor sine siste førestillingar «Borders», «Limits» og «Movements», som dreidde seg om grenser, avgrensingar og migrasjon.
– Vi har jo allereie sett kva krig skapar og kva for løysingar det leiar til! I denne produksjonen vil vi undersøke kva som skjer om vi bryt dei tradisjonelle hierarkia, tenkjer sirklar i staden for rette vinklar, ser kvarandre i augehøgd i staden for ovanifrå og ned, og går i breidda i staden for på punkt. – Tilde Björfors
Epifónima er produsert i samarbeid med Östgötateatern og er skapt både i Cirkörhuset i Alby, samt i residens i Norrköping i august/september 2018.