Måtte få hjelp av redningshelikopter for å berge kajakkpadlarar ved Runde

To kajakkpadlarar havarerte på vestsida av Runde fredag. Dei to er no satt i land på Runde, og har berre mindre skadar, melder hovudredningssentralen for Sør-Norge (HRS Sør-Norge).
New Articles

Redningsselskapet gjorde eit forsøk, men såg seg nøydt til å tilkalle hjelp frå eit redningshelikopter frå Florø, skriv HRS Sør-Norge.

Ifylgje Sunnmørsposten havarerte kajakkpadlarane i bølgene, og fekk øydelagt den eine kajakken.

– Dei to klarte å ta seg opp ein sprekk i fjøresteinane og satt på eit svaberg, men greide ikkje å kome seg derifrå, fortel vakthavande redningsleiar Nils Ole Sunde til Sunnmørsposten.