Ni lag i lokal sjettedivisjonsavdeling

Det blir litt fleire lag å bryne seg på for lokale lag på nedste seniornivået for menn denne sesongen.

NÆRE PÅ: Både Bergsøy 2 og Vanylven, her i kamp sist haust, lukta på opprykk i fjor.  Foto: Stian Langlo Driveklepp

New Articles

Flø er nytt lag denne sesongen. I tillegg skal lokale lag også møte Sæbø, som rykte ned, samt Vartdal, Ørsta 2 og Åmdal.

Det kjem fram av framlegget til avdelingsoppset som Sunnmøre Fotballkrets lanserte denne veka.

Frå før kjenner vi dei lokale laga Bergsøy 2, Gjerdsvika/LGFK 2, Tjørvåg og Vanylven i denne divisjonen, der det var eit bikkjeslagsmål om opprykket sist haust. Det heile enda som kjent med at Hasundgot rykte opp, i kamp mot Hødd 3, Bergsøy 2 og Vanylven.

Vi merkar oss elles at Hareid 2, som hadde vanskar med å stille lag i fleire kampar sist sesong, denne sesongen ikkje er påmeldt. Heller ikkje Hødd 3 stiller lag.

Det er lagt opp til dobbel serie, noko som inneber 16 kampar på kvart lag. Vinnarlaget skal ut i kvalik mot dei to andre gruppevinnarane i 6.-divisjon til hausten.

SFK varslar at det vert terminlistemøte tysdag 12. februar.