- Det er gledeleg å kunne løfte dei siste atterhald på byggekontraktane, noko som sikrar leveranse i 3. og 4. kvartal 2020, seier administrerande direktør i Havila Kystruten, Arild Myrvoll i ei pressemelding.
I pressemeldinga går det også fram at det er Tersan og Barreras som skal bygge dei fire skipa.
Rekordkontrakt for Havyard Design & Solutions
Havila Design & Solutions har fått i oppgåve å levere skipsdesignet. Kontraktsverdien er på over ein milliard kroner. Selskap i Havyard-gruppa og andre norske utstyrsleverandørar skal levere utstyr i pakken. Konsernsjef Geir Johan Bakke i Havyard Group seier denne kontrakten er ein milepåle.
- Dette er ei rekordkontrakt for Havyard Design & Solutions og er med på å grunnfeste vår posisjon som eit maritimt teknologikonsern i verdsklasse, med brei kompetanse i mange segment, seier konsernsjefen.
Havyard Design & Solutions har over lengre tid arbeida med designet, og stålklasseteikningane er allereie klare. Det betyr at stålkutting vil starte på denne sida av nyttår.
Designsjef Arve Helsem Leine i Havyard Design & Solutions, har dette å seie:
- Den tette samhandlinga mellom kunde og aktørane i den maritime klynga har mogleggjort eit design og ein utstyrspakke som verkeleg oppnår dei eigenskapane kunden var ute etter
Han får støtte av Gisle Vinjevoll Thrane, salsdirektør i Havyard Design & Solutions som er fornøgd med at dei no har gått inn i eit nytt segment.
- Kompetansen, erfaringa og verktøya vi og våre samarbeidspartnar har gjer oss i stand til å ta på oss stadig nye utfordringar frå våre gode, krevjande kundar, seier han.