Kva gjer du på i sommar? Denne gjengen har fått seg ein spennande sommarjobb

På Sandefisk har dei i år, som i fjor, teke inn ungdomar som har hatt lyst å ha sommarjobb.

SANDEFISK: Bak f.v. bak fra Venstre: Torbjørn Baade, Brage Helsem Iversen, Ivar Mork Vorren, Juliane Voksøy Bringsvor, Gustav Sande, Nikolai Sande.Framme f.v. Bernardas Aukstulevicius, Sigfred Worren Nystøyl, Gyda Myklebust, Aili Serine Bringsvor, Emilie Sande Hansen, Alvhild Våge og Margrete Kvamme Rusten. Liggande Gunnar Jonsson Rafteseth Grimstad. 

Ung

- Det er ikkje alltid så enkelt å få innpass i arbeidslivet for ungdomar, og det vil vi prøve å få gjort noko med. Vi synest det er kjekt at så mange har lyst til å prøve seg her hos oss. Vi fekk uvanleg mange søknadar i år, så vi har ei lang venteliste, skiv Kjerstin Sande i Sandefisk AS i ei pressemelding.

For nokre er det ei bratt læringskurve, med krav om oppmøte i tide, korreksjon i høve til effektivitet, språkbruk, fart eller initiativ.

- Det er artig å sjå kor dei utviklar seg i løpet av tida dei er her, og vi synest dei er reint krydder i ein elles travel kvardag, seier Sande, og påpeiker at kjappe hender elles er kjærkomen arbeidskraft i ei travel tid.

SANDEFISK: Frå venstre : Gunnar Jonsson Rafteseth Grimstad, Christian Kibsgaard Steffenssen, Gustav Sande og Oddbjørn Sande Hansen. Jay Vonheim var ikkje tilstades då bileta vart tekne, men har også vore i full sving denne sommaren. 



- Tøffingar

I år er det heile 17 stykke i sving hos Sandefisk. Blide, kjekke og flinke ungdomar ifrå Sandsøya, Voksa, Kvamsøy, Fosnavåg, Ålesund, som bedrifta gjerne tek imot ved fleire høve.

- Nokre kan synast at vi er strenge, og at vi masar mykje og dei blir litt leide innimellom. Men dei lærer seg også at det å ta imot konstruktive tilbakemeldingar og gjere ting betre, er ein del av det å verte vaksne, og dei forstår også at vi meiner det berre godt, seier Sande før ho avsluttar.

- Vi synest det er kjekt å oppleve at fleire satsar på yrkesfagleg utdanning. Er det noko vi manglar i Norge, så er det ungdomar som vil og torer å ta sjansen på praktisk og fysisk krevjande arbeid. Desse er nokre tøffingar, som tåler å bli skitne på nevane.