Larsnes/Gursken tapte for Volda:

– LGFK hadde fortent poeng

Serieleiar Volda tok med seg alle dei tre poenga heim etter ein tøff kamp fredag kveld. Men etter kampen var begge lag sine trenarar samde om at sandssokningane hadde fortent meir i denne kampen.
Sport

Sjølv om førsteomgang var sjansefattig fekk vi faktisk heile tre mål før pause på Larsnes stadion. Etter ei jamn opning gav nemleg Stian Moe Finnøy gjestane leiinga etter 20 minutt. Men fem minutt seinare slo LGFK tilbake då Gustav Brandal Dimmen kom gjennom forsvaret, runda Volda-keeper Harry Andrew Brooks og plasserte ballen sikkert i nota. Ti minutt seinare var derimot same Finnøy på farta igjen, og den målfarlege Volda-spelaren kom enkelt gjennom LGFK-forsvaret, og sette ballen sikkert forbi LGFK-keeper Ståle Remøy Pettersen. 1–2 ved pause på Larsnes stadion.