LGFK slo Blindheim på bortebane:

- Ein kontrollert siger

Larsnes Gursken kan juble for nok ein opptur, denne gangen på bortebane mot botnlaget Blindheim måndag kveld. Sandssokningane gjekk sigrande i frå kampen, 3-0.

Martin Haanes stod for kampens fyrste mål. Det kom på eit straffespark.   Foto: Frode Fuglseth

Sport

Kampen starta med ein stillingskrig dei fyrste minutta, prega av mange balltap og stopp i spelet. Etter sju minutt byrja det derimot å skje ting. Gustav Brandal Dimmen blei felt innanfor 16-meteren, noko som resulterte i straffespark til LGFK. Det var ein sjanse Martin Haanes ikkje kasta vekk, 1-0 til sandssokningane. Etter den fyrste scoringa tok LGFK meir og meir føringa i omgangen. I det 25. minuttet kunne LGFK sine fans nok ein gong juble. Marin Haanes spelte seg då forbi Blindheim-spelarane og fann Henrik Gjerde Sætre. Sætre fyrte av ifrå 20 meters avstand og scora nok eit mål for bortelaget, 2-0.