Brukte tre «målvakter» samtidig: Bergsøy vann jamn kamp

To raude kort, eit sjølvmål og ein susar frå kaptein Daniel Jøsok Kvalsvik var blant ingrediensane då Bergsøy tok sesongens første heimesiger med 2–1 over Norborg/Brattvåg 2.
Sport

Første 20 minutta var ei jamn affære på Havila Stadion Fosnavåg denne litt sure fredagskvelden i Herøy. Men då gira Bergsøy verkeleg opp, og viste publikum ein fotball som nok varma både hjartet og kroppen. Først hamra kaptein Daniel Jøsok Kvalsvik inn leiarmålet, med eit flott og velplassert skot. Eit par minutt seinare var Thomas Sætre Hauge eit par millimeter frå å auke leiinga, men skotet gjekk i stolpen og ut. Tre minutt seinare låg ballen likevel i nettet, då Tor Juul Abelseth sette ballen forbi sin eigen keeper, og dermed 2–0 til Bergsøy. Det var også resultatet halvvegs.