Mellom 13. og 18. mars var det 10-12 grasbrannar som førte til politiutrykkingar på ytre Søre Sunnmøre. I fleire av tilfella var det grasbrannar som kom ut av kontroll, og ein klassikar er dømet med ein person åleine som skal «brenne litt gras», og så utartar det seg.

– På generelt grunnlag kan eg seie at der det har blitt skade på annan manns eigedom, er det vanleg at politiet gjennomfører undersøkingar. Også i dei tilfella der vi snakkar om «større utrykkingar», seier lensmann Tor Sæther til Vestlandsnytt.

– Dei som driv med bråtebrennnig må ta omsyn til verforhold, vermeldingar og kor tørt det er, seier han.