På ein tilsvarande søknad i fjor fekk kommunen avslag. I søknaden blir det vist til at det er kommunen som skal bygge og eige dei to kaiene i samband med Silfas si planlagde etablering av ein ny moderne pelagisk fabrikk på området.

Søknaden går på at staten skal dekke halvparten av kostnadene med kaiene som er på rundt 25 millionar kroner. Det blir understreka at tilskot til kaiene vil ha ein utløysande effekt på denne næringsetableringa mot fiskerisektoren regionalt og nasjonalt.

Målsettinga med Silfas si satsing er å styrke vidareforedlinga i Norge ved automatisering og robotisering. Selskapet er for tida med på ei tilsvarande etablering i Egersund.