Denne veka kom tala for opplagsutviklinga i 2017 frå MBL og Landslaget for lokalaviser. Vestlandsnytt gjekk tilbake i opplag med 63 i fjor, til 4.360.
For dei andre avisene var det varierande utvikling. Sunnmørsposten auka for første gong på mange år, med 282 til 24.419. Møre-Nytt i Ørsta gjekk ned med heile 294, til 4.560 eksemplar.
Vikebladet Vestposten, avisa for Hareid og Ulstein, gjekk tilbake med 108, til 3.660.
Elles noterer vi oss at Synste Møre i Vanylven gjekk tilbake med 29, til eit netto opplag på 2.185. Mange aviser opplever auke som fylgje av sal av abonnement gjennom såkalla pluss-saker, gjennom nettavisa.